Mìos Gnìomh airson na Gnàth-shìde 2026
Am bliadhna tha sinn ag iarraidh oirbh a bhith an sàs ann an Gnìomh airson na Gnàth-shìde airson fad an t-Sultain, le leasanan agus gnìomhan a’ gabhail àite tron mhìos agus an cruinneachadh againn air a chumail aig àm Seachdain na Gnàth-shìde aig Riaghaltas na h-Alba.
Tha a h-uile leasan ceangailte ris a’ churaicealam le goireasan gus ionnsachadh a thoirt air adhart.
Tha am prògram Leasan Beò againn air a mhaoineachadh le Riaghaltas na h-Alba.
Leis gu bheil na Leasanan Beò againn air an clàradh agus air an sgaoileadh air-loidhne, bidh camarathan agus microfònan air an cur à comas do chom-pàirtichean. Air sgàth seo, tha e riatanach gum bi tidsearan an làthair san t-seòmar-sgoile gus taic a thoirt don leasan agus gus dèanamh cinnteach gu bheil sgoilearan comasach air pàirt a ghabhail anns na gnìomhan.
Tha na leasanan againn a’ toirt taic don Churraicealaim, Àrainn na Sgoile, Coimhearsnachd agus Cultar den Target 2030 Learning for Sustainability Action Plan, a bharrachd air Saoranachd na Cruinne agus Meata Sgilean.
Bidh na h-Amasan Leasachadh Seasmhach agus Còraichean Chloinne air an gabhail a-steach sna leasanan seo:
-
-
-
-
Designs © UNICEF, 2019
Cuidichibh sinn le bhith a’ cumail ar cruinneachadh Mìos Gnìomh airson na Gnàth-shìde!
Bu toil leinn tadhal air an sgoil no an sgoil-àraich agaibh air 29 Sultain còmhla ri cuid de dh’aoighean sònraichte, gus ar cruinneachadh a chraoladh gu sgoiltean air feadh na h-Alba. Am biodh ùidh agaibh?
Ma bhiodh, cuir post-d thugainn aig education@keepscotlandbeautiful.org le ainm agus seòladh na sgoile / sgoil-àraich agaibh, agus innis dhuinn carson a bhiodh e math an cruinneachadh a chumail bhon àite agaibh. Feumaidh sinn ur freagairt fhaighinn ro 1 Sultain.
Clàr-ama agus clàradh
Seo na h-amannan airson nan leasanan:
Cur air bhog Farpais Mìos Gnìomh airson na Gnàth-shìde: 11.00m-11.15m Dimàirt 1 Sultain
P4-S2 Leasan sa Ghàidhlig: 1.30-2.10f Dimàirt 8 Sultain
Cruinneachadh de gach aois sa Bheurla le eadar-theangachadh Gàidhlig: 11.00-11.30m Dimàirt 29 Sultain
Thèid gach leasan a chlàradh, agus thèid na clàraidhean a chur suas gach latha gus am bi cothrom agad coimhead orra mura robh cothrom agad a bhith an làthair aig an t-seisean beò.
Farpais Gnìomh airson na Gnàth-shìde
Mar phàirt de Mhìos Gnìomh airson na Gnàth-shìde, tha sinn a’ toirt cuireadh do sgoiltean is sgoiltean-àraich air feadh na dùthcha a bhith ag obair còmhla gus ar sgaoilidhean de ghasaichean taigh-ghlainne a lughdachadh. Tron t-Sultain, bidh cothrom agaibh tagh bho raon de ghnìomhan gus sgaoilidhean gasa taigh-glainne a lughdachadh agus sùil a chumail air sàbhalaidhean sgaoilidhean.
Cur air bhog den fharpais: Thig còmhla rinn air 1 Sultain aig 11m airson cur air bhog den fharpais (thèid an clàradh is a phostadh an seo mura h-eil cothrom agad a bhith ann beò).
Duaisean: Cuir thugainn na puingean agad gu h-iomlan ro 9.30m air Dimàirt 29 Sultain gus am bi cothrom agaibh duaisean fhaighinn. Gheibh còignear bhuannaichean pasgan uchd-mhacachd bheathaichean luach £60. Taing do Urban Fox airson maoineachadh a thoirt seachad airson nan duaisean airson nan duaisean seo.
Cuir thugainn na puingean agad gu h-iomlan gus an tèid d’ ainmeachadh aig Cruinneachadh Mìos Gnìomh airson na Gnàth-shìde air 29 Sultain agus gheibh thu goireas an-asgaidh gus crios-dùirn ‘Tha mi nam neach-iomairt na gnàth-shìde’ ath-chuairteichte a dhèanamh.
Ma dh’obraicheas sinn còmhla, ’s urrainn dhuinn a’ bhuaidh as motha a thoirt gu buil.
Leasan
An robh fios agad gur e còmhdhail a tha a' cur as motha ri gasaichean taigh-glainne ann an Alba? Anns an leasan seo, nì sinn sgrùdadh air na duilgheadasan a tha an lùib còmhdhail le cumhachd connaidh fosail, a’ gabhail a-steach atharrachadh na gnàth-shìde, truailleadh adhair agus fuaim, agus coimheadaidh sinn air mar as urrainn dhuinn siubhal ann an dòigh nas seasmhaiche (agus nas tlachdmhoire), ge bith càit a bheil sinn a’ fuireach no càit a bheil an sgoil againn.
Às dèidh an leasain, bidh cothrom agaibh am bacadh air siubhal san sgìre ionadail agaibh a rannsachadh agus 's urrainn dhuibh iomairt-bhidio a chruthachadh gus dèiligeadh ris. Thèid an goireas fhoillseachadh air-loidhne ron leasan.
Na dìochuimhnich gu bheil siubhal gnìomhach na phàirt den Fharpais againn airson Mìos Gnìomh airson na Gnàth-shìde, mar sin gabh pàirt gus na puingean agaibh fhaighinn!
Cruinneachadh
Till sinn chun na dh’ionnsaich sinn rè Mìos Gnìomh airson na Gnàth-shìde, bidh ceisteachan air gnìomh airson na gnàth-shìde agus toraidhean ar Farpais Gnìomh airson na Gnàth-shìde, a’ gabhail a-steach na buannaichean de na duaisean!
Na dìochuimhnich na puingean agaibh airson Farpais Gnìomh airson na Gnàth-shìde a chur a-steach ron chruinneachadh gus am bi iad a’ cunntadh a dh’ionnsaigh an iomlan nàiseanta againn. Thèid ainmean nan sgoiltean agus nan sgoiltean-àraich uile a chuireas a-steach na puingean aca a leughadh a-mach aig an cruinneachadh.
Leasanan Beò agus Èiceo-Sgoiltean
Na dìochuimhnich gum faodar pàirt a ghabhail anns na Leasanan Beò againn agus bidh na gnìomhan ceangailte riutha a chunntadh a dh’ionnsaigh Duais Bratach Uaine bho Èiceo-Sgoiltean Alba.
Leasanan den aon choltas
Leasan beò sa Ghàidhlig air atharrachadh na gnàth-shìde, le cothroman gus diofar a dhèanamh airson àm ri teachd nas fheàrr.
Gaelic live lesson on climate change, with opportunities to take action for a brighter future.
How does the Gaelic language relate to climate justice?
This lesson is in English.
We support the 