Rannsachadh dearbh-aithne, iomadachd agus riochdachadh

Tha an t-aonad seo a’ gabhail a-steach ionnsachadh mu iomadachd agus ion-ghabhaltas, agus prìomh bhriathran ceangailte riutha, an dà chuid san fharsaingeachd agus le iomradh sònraichte air roinn an dualchais. Bidh e a’ brosnachadh tuigse air na ceanglaichean eadar dualchas agus dearbh-aithne phearsanta is nàiseanta, agus air mar a tha taighean-tasgaidh air atharrachadh thar ùine. Bidh luchd-ionnsachaidh a’ crìochnachadh pròiseact practaigeach gus iomadachd ann an dualchas a chomharrachadh agus gus dòighean nas ùire no eile de mhìneachadh dualchais a thaisbeanadh.

'S e A’ Rannsachadh dearbh-aithne, iomadachd agus riochdachadh aon de na h-aonadan as urrainn do thagraichean a choileanadh gus Teisteanas ùr ann an Dualchas Cultarach fhaighinn, le creideas bho Qualifications Scotland, mar phàirt den phrògram Ar Dualchas, Ar n-Àm ri Teachd. 

'S e amas na teisteanais taic a thoirt do dhaoine gus tuigse fhaighinn air cho cudromach sa tha ar dualchas togte, nàdarra agus cultarach ann an Alba, sgilean sònraichte ceangailte ri dualchas a leasachadh, agus soirbheachas gach tagraiche a chomharrachadh.

Tadhail air an duilleag Sgilean Dualchais agus Gnàth-shìde gus barrachd fhaighinn a-mach.