Dualchas agus gnìomh gnàth-shìde ann an coimhearsnachdan
Dualchas agus gnìomh gnàth-shìde ann an coimhearsnachdan
Tha Cùm Alba Bòidheach deònach taic a thoirt do choimhearsnachdan gus an dualchas aca a dhion le planaichean-gniomha steidhichte air dualchas agus gniomh airson na gnath-shide, mar phàirt den phrògram Ar Dualchas ar n-Àm ri Teachd.
Le bhith ag aithneachadh nan togalaichean dualchas, nan àiteachan, nan traidiseanan agus nan àiteachan a tha cudromach don choimhearsnachd, bidh sinn a’ rannsachadh nan cothroman agus nam bagairtean san àm ri teachd, a’ gabhail a-steach buaidhean atharrachadh na gnàth-shìde.
Bidh sinn a’ lìbhrigeadh sreath de bhùthan-obrach is gnìomhan, a bhios a’ gineadh susbaint a’ phlana-gnìomha. An dèidh sin, cumaidh sinn oirnn a’ toirt taic don choimhearsnachd agaibh fhad ’s a bhios sibh ag ùrachadh, a’ cur ris, agus a’ cur an gnìomh a’ phlana thar ùine.
Dè th' ann am Plana-gnìomha mu choinneimh na Gnàth-shìde airson Dualchas Coimhearsnachd a dhìon?
Cò dha a tha e?
Buidhnean coimhearsnachd aig a bheil ùidh ann a bhith a’ rannsachadh, a’ clàradh agus a’ dìon dualchas an sgìre aca fhèin. Chan fheum fòcas dualchais a bhith aig a’ bhuidheann agad mu thràth gus pàirt a ghabhail.
Dè tha e a’ gabhail a-steach?
Tòisich le bhith a’ cur paragraf gu communities@keepscotlandbeautiful.org a’ mìneachadh carson a tha feum agaibh air plana-gnìomha airson dualchas is gnàth-shìde san sgìre agad. Nì sinn lèirmheas air agus cuiridh sinn fios thugad gus beachdachadh air am biodh plana-gnìomha freagarrach dhuibh.
Às dèidh coinneamh tùsail, ruithidh sinn sreath de sheiseanan a bhios SAOR AN-ASGAIDH leis a’ bhuidheann agad, nam measg:
- Bùth-obrach: Innis dhuinn mun dualchas agaibh
- Bùth-obrach: Inneal Inbhe nan Àiteachan
- Bùth-obrach: Buaidhean Atharrachadh Gnàth-shìde air Dualchas
- Bùth-obrach: Rannsaich na buaidhean a dh’fhaodadh a bhith aig atharrachadh gnàth-shìde san sgìre agad
- Gnìomhachd: Seòrsa Chairtean
- Seisean dealbhaidh coimhearsnachd
Cruinnichidh sgioba a’ phròiseict am fiosrachadh a thèid a chruinneachadh tron phròiseas agus cruthaichidh iad Plana-gnìomha a tha freagarrach dhuibh fhèin.
Rè a’ phròiseis, bidh seo agaibh gus cuideachadh:
- Oifigear pròiseict shònraichte
- Lìonra de choimhearsnachdan is daoine le ùidh coltach ribh air feadh na h-Alba
- Taic gus an coimhearsnachd nas fharsainge a thoirt a-steach dhan phlana-gnìomha
- Comhairle mu chothroman maoineachaidh is goireasan
Dè chosgas e?
Tha an t-seirbheis seo gu tur SAOR AN-ASGAIDH, le taing do Àrainneachd Eachdraidheil na h-Alba agus A' Chuirm-mhaoineachaidh Nàiseanta, le taing mhòr do na cluicheadairean.
Tha raon de sheirbheisean dualchais againn a dh’fhaodas a bhith mar phàirt den phlana-gnìomha agad agus a chuireas an sàs an coimhearsnachd nas fharsainge. Gheibhear clàr làn de sheirbheisean dualchais air duilleag-lìn Ar Dualchas, Ar n-Àm ri Teachd.
Innis dhuinn mun bhùth-obrach dualchais agaibh.
Faodaidh an sgioba againn cuideachadh le buidhnean coimhearsnachd gus bùth-obrach a ruith airson sgrùdadh a dhèanamh air an dualchas togte, cultarach agus nàdarra ionadail aca.
'S e cothrom math a th’ ann do bhuidhnean coimhearsnachd beachdachadh air dè an dualchas ionadail a tha cudromach dhaibh agus mar as urrainn dhuinn taic a thoirt san àm ri teachd.
Bùth-obrach Inneal Inbhe nan Àiteachan
Is e Inneal Inbhe nan Àiteachan dòigh air measadh a dhèanamh air àiteachan.
Ge bith an e àite a tha stèidhichte mar-thà, a tha fo atharrachadh, no a tha fhathast ga dhealbhadh, ’s urrainn dhuinn an t-inneal a chleachdadh, còmhla ri Your Historic Place lens gus buidhnean coimhearsnachd a chuideachadh le bhith a’ rannsachadh nan ceanglaichean eadar àite, daoine agus an àrainneachd eachdraidheil aca.
Bùth-obrach mu na Buaidhean aig Atharrachadh Gnàth-shìde air Dualchas
’S e taisbeanadh eadar-ghnìomhach a th’ anns a’ Bhùth-obrach mu na Buaidhean Atharrachadh Gnàth-shìde air Dualchas, a leigeas le buidhnean ionnsachadh mun èiginn gnàth-shìde, beachdachadh air mar a tha dualchas air a bhuaireadh le atharrachadh gnàth-shìde gu h-ionadail, roinneil agus air sgèile chruinneil, agus smaoineachadh air mar a ghabhas dualchas a ghleidheadh san sgìre aca.
Tha am bùth-obrach SAOR AN-ASGAIDH faodaidh seo a bhith air a dhealbhadh gu sònraichte airson gach buidheann. Thèid duilleag-fiosrachaidh na seisein a thoirt seachad le ceanglaichean ri goireasan agus liosta de thaic a tha Keep Scotland Beautiful a’ tabhann.
Bùth-obrach: Rannsaich na buaidhean a dh’fhaodadh a bhith aig atharrachadh gnàth-shìde san sgìre agad
’S e eacarsaich spòrsail a th’ anns an t-seisean seo a chuidicheas buidhnean coimhearsnachd le bhith a’ smaoineachadh air cothroman san àm ri teachd airson na sgìre aca.
Tha sinn a’ toirt cuireadh do na buidhnean na sùilean aca a dhùnadh, fois a ghabhail agus èisteachd ri clàradh gutha goirid a bheir iad air turas timcheall an sgìre aca, deich bliadhna bhon latha an-diugh. Fhad ’s a tha iad a’ gluasad timcheall na coimhearsnachd nan inntinn, thèid iarraidh orra aire a thoirt do na chì iad is na chluinneas iad. Tha an clàradh a’ mairsinn mu deich mionaid.
Nuair a bhios an clàradh-fuaime deiseil, thèid iarraidh orra beagan notaichean a dhèanamh mu rud sam bith inntinneach a chunnaic iad sa mhac-meanmna aca. An uair sin, thèid iarraidh air a h-uile duine rud sam bith feumail no iongantach a nochd tron eacarsaich seo a roinn.
Gnìomh air Seòrsa Chairtean, cuidichidh seo le bhith a' dealbhadh do ghnìomhan
Cuir cairtean ann an òrdugh le buidhnean coimhearsnachd:
- Ath-sgrùdadh a dhèanamh air gnìomhan eadar-dhealaichte agus taghadh a dhèanamh gus buaidh atharrachadh gnàth-shìde air dualchas a lughdachadh
- Gnìomhan agus trèanadh sgilean a chomharrachadh gus dualchas a rannsachadh, a chlàradh agus a chur air adhart
Tha na cairtean air an roinn ann an cuspairean a leanas: Dualchas, Nàdar, Atharrachadh, Lùth, Biadh, Taic, Siubhal agus Sgudal, gus am faigh buidhnean taghadh dè na gnìomhan dualchais is gnàth-shìde a bhios as cudromaiche don sgìre aca fhèin. Tha na cairtean a’ comharrachadh cosgais, sìmplidheachd agus ùine, gus am faigh buidhnean beachdachadh air mar a ghabhas gach gnìomh a chur an gnìomh gu practaigeach, agus an taghadh is an clàradh airson ùine ghoirid, meadhan-ùine agus fad-ùine. Bidh an sgioba againn a’ treòrachadh gach buidheann tro na cuspairean le barrachd fiosrachaidh sa chairtean.
Seisean Planaidh sa Choimhearsnachd
Leigidh Seisean Planaidh sa Choimhearsnachd le buidhnean:
- Liosta ghoirid a dhèanamh de ghnìomhan adhartach co-cheangailte ri gnàth-shìde agus dualchas airson an coimhearsnachd aca
- Beachdachadh air na gnìomhan sin le buidhnean coimhearsnachd eile gus co-obrachadh a bhrosnachadh
A’ toirt do phlana-gnìomha gu buil
Tha sgioba Ar Dualchas, Ar n-Àm ri Teachd ag obair le buidhnean coimhearsnachd air feadh na h-Alba, bho na h-Eileanan an Iar gu Dùn Phris is Gall-Ghaidhealaibh, gus Planaichean-gnìomha mu choinneimh na Gnàth-shìde airson Dualchas Coimhearsnachd a chruthachadh.
Nuair a bhios na planaichean deiseil, ’s urrainn don sgioba againn trèanadh sgilean le teisteanas, bùthan-obrach agus goireasan a thoirt seachad gus gnìomhan geàrr-ùine, meadhan-ùine agus fad-ùine a chur an gnìomh. Thoir sùil air na buidhnean coimhearsnachd gu h-ìosal gus faicinn mar a fhuair iad buannachd bho bhith a’ leasachadh phlanaichean-gnìomha sa choimhearsnachd aca airson dualchas is gnàth-shìde.
Sa Ghàidhlig:
Tha sinn cuideachd air a bhith ag obair leis na buidhnean coimhearsnachd a leanas gus mothachadh a thogail mu dhualchas togte, cultarach is nàdarra, agus gus trèanadh is goireasan a thoirt seachad.
Sa Ghàidhlig:
Thèid sreath de ghnìomhan a chumail ann an Dùn Phris thairis air saor-làithean an t-samhraidh gus daoine a bhrosnachadh gu bhith an sàs ann an dualchas togte, nàdarra agus cultarach na sgìre.
Tha sinn a’ ruith nan seiseanan mar phàirt den phrògram Ar Dualchas, Ar n-Àm ri Teachd, ann an com-pàirteachas le Summerhill Community Centre.
We support the 